15. 88 winning words - Common Sense
சிலர் மிகச்சிறந்த அறிவாளியாய் இருப்பார்கள். ஆனால் பொது இடங்களில் எப்படி நடந்து கொள்வது என்பது தெரியாது. நம்மில் பலர் பலசமயங்களில் அப்படித்தான் நடந்து கொள்கிறோம்.
இப்படி நடந்து கொள்வதால் இழக்கும் வாய்ப்புகள் ஏராளம். பொது இடங்களில் நடந்து கொள்ளும் முறை தெரியாதவரிடம் பலர் பழகவே பயப்படுவார்கள். அவர்களுக்குத் தேவையான உதவிகளையும் செய்ய மாட்டார்கள். இது ஒன்றும் பெரிய வித்தை கிடையாது. அலட்சிய மனப்பான்மையால் வருவதே இது. கொஞ்சம் கவனமாக இருந்தாலே, விழிப்புணர்வுடன் இருந்தாலே பொது இடங்களில் மிக அழகாக, நாகரீகமாக நடந்து கொள்ள முடியும்.
பணம் இல்லாமல் இருக்கலாம்,
பதவி இல்லாமல் இருக்கலாம்,
ஒரு விஷயத்தைப் பற்றிய
விஷய ஞானம் இல்லாமல் கூட இருக்கலாம்...
ஆனால் காமன் சென்ஸ் இல்லையென்றால்
அவர்களை யாரும் மதிக்கவே மாட்டார்கள்.
அவர்களைக் கண்டாலே பயந்து ஓடி விடுவார்கள். 'ஐயோ மேனர்ஸ் இல்லாதவன் வர்றான் பாரு.. முதல்ல இந்த இடத்த விட்டுக் கிளம்பணும்' என்று சொல்லிச் சென்று விடுவார்கள். அதனால் உங்களின் அடுத்த மந்திரச் சொல்.. காமன் சென்ஸ் அல்லது மேனர்ஸ் என்றழைக்கப்படும் பொது உணர்வு.
No comments:
Post a Comment